CAUT, VINCENT / PUJOL, ROMAIN
Bigaren sortzaileek asmatzen dituzten pasadizo eta abenturen kutxak hondorik gabekoa dirudi. Betiko freskura eta etorri bera dute haien gagek, janaria, familia, jolasak, alergiak, jolastokiko bihurrikeriak... gai hartua. Romain Pujolek eta Vincent Cautek Bigaren mundu berezia osatzen jarraitu dute, bi orrialdetako kontakizun barregarrien bitartez. Hori bai, gidoigileak Espainiara egindako bisita batean kontatu zigunez, gero eta gehiago landu nahi dute haiek hari gorria deitzen dutena; hau da, liburuki akoitzaren amaieran zenbait orrialdetan garatzen den hari edo bilbe landuago hori. Seigarren emanaldi honetako hari gorria Barne bidaia da, eta Bigak oso bidaia berezia egingo du Biff barrutik nolakoa den eta hain harroputza zergatik den antzemateko.
'Biga' fenomenoa zabalduz doa euskaraz, katalanez eta gaztelaniaz ere, eta horren adibide dira hizkuntza horietan saldutako 25.000 aleak baita zaletuek bidaltzen eta gure sareetan argitaratzen ditugun dozenaka irudiak ere. Gainera, jatorrizko diseinuari jarriki, seigarren liburuki honetatik aurrera fosforito pantoneko tinta berezi batez inprimatuko dira komikietako azalak.
